ಮಂಡಿ ನೋವು, ಕ್ಯಾಲ್ಸಿಯಂ ಮತ್ತು ಐರನ್ ಕೊರತೆಗೆ ಕಾರಣ ಹಾಗೂ ಪರಿಹಾರ

ಇಂದಿನ ಜೀವನಶೈಲಿಯಲ್ಲಿ ಮಹಿಳೆಯರು, ಹಿರಿಯರು ಮಾತ್ರವಲ್ಲದೆ ಯುವಕರು ಕೂಡ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ವಿಶೇಷವಾಗಿ ಮಂಡಿ ನೋವು, ಕ್ಯಾಲ್ಸಿಯಂ ಕೊರತೆ, ಮತ್ತು ಐರನ್ ಡಿಫಿಷಿಯನ್ಸಿ ಬಹಳ ಸಾಮಾನ್ಯವಾಗಿದೆ. ಆರಂಭದಲ್ಲಿ ಸಣ್ಣ ಸಮಸ್ಯೆಯಂತೆ ಕಾಣುವ ಇವು, ಕಾಲಕ್ರಮೇಣ ದೇಹದ ಶಕ್ತಿಯನ್ನು ಕುಗ್ಗಿಸಿ ದಿನನಿತ್ಯದ ಜೀವನದ ಮೇಲೆಯೇ ಪರಿಣಾಮ ಬೀರುತ್ತವೆ.

ನಾನು ಕಂಡಂತೆ ಬಹಳ ಜನರು “ಇದು ವಯಸ್ಸಿನ ಪರಿಣಾಮ”, “ಸ್ವಲ್ಪ ವಿಶ್ರಾಂತಿ ತೆಗೆದುಕೊಂಡರೆ ಸರಿಯಾಗುತ್ತದೆ” ಎಂದು ನಿರ್ಲಕ್ಷ್ಯ ಮಾಡುತ್ತಾರೆ. ಆದರೆ ದೇಹ ಕೊಡುವ ಈ ಸಣ್ಣ ಸೂಚನೆಗಳು ಭವಿಷ್ಯದಲ್ಲಿ ದೊಡ್ಡ ಸಮಸ್ಯೆಗೆ ಕಾರಣವಾಗಬಹುದು.

ಮಂಡಿ ನೋವು ಏಕೆ ಬರುತ್ತದೆ?

ಮಂಡಿ ನೋವು ಈಗ ಕೇವಲ ವೃದ್ಧರ ಸಮಸ್ಯೆಯಾಗಿಲ್ಲ. ಯುವಕರಲ್ಲೂ ಹೆಚ್ಚಾಗಿ ಕಾಣುತ್ತಿದೆ.ದಿನಪೂರ್ತಿ ನಿಂತು ಕೆಲಸ ಮಾಡುವುದು, ವ್ಯಾಯಾಮದ ಕೊರತೆ, ದೇಹದ ತೂಕ ಹೆಚ್ಚಾಗುವುದು, ಪೋಷಕಾಂಶಗಳ ಕೊರತೆ – ಇವೆಲ್ಲವೂ ಮಂಡಿ ನೋವಿಗೆ ಕಾರಣವಾಗಬಹುದು.

ಪ್ರಮುಖ ಕಾರಣಗಳು:

* ಕ್ಯಾಲ್ಸಿಯಂ ಕೊರತೆ

* ವಿಟಮಿನ್ D ಕೊರತೆ

* ಅತಿಯಾದ ತೂಕ

* ಜಾಯಿಂಟ್‌ಗಳಲ್ಲಿ ದುರ್ಬಲತೆ

* ಹೆಚ್ಚು ಮೆಟ್ಟಿಲೇರಿಕೆ

* ಹೆಚ್ಚು ಸಮಯ ಕುಳಿತಿರುವ ಜೀವನಶೈಲಿ

* ಹಳೆಯ ಗಾಯಗಳು

ಕೆಲವರು ಬೆಳಗ್ಗೆ ಎದ್ದ ತಕ್ಷಣ ಮಂಡಿಯಲ್ಲಿ ಗಟ್ಟಿತನ ಅನುಭವಿಸುತ್ತಾರೆ. ಕೆಲವರಿಗೆ ಮೆಟ್ಟಿಲೇರುವಾಗ ನೋವು ಹೆಚ್ಚು ಆಗುತ್ತದೆ. ಇನ್ನೂ ಕೆಲವರಿಗೆ ಕುಳಿತುಕೊಂಡ ಬಳಿಕ ಎದ್ದಾಗ ಕಷ್ಟವಾಗುತ್ತದೆ.

ಕ್ಯಾಲ್ಸಿಯಂ ದೇಹಕ್ಕೆ ಏಕೆ ಅಗತ್ಯ?

ಕ್ಯಾಲ್ಸಿಯಂ ನಮ್ಮ ಎಲುಬು ಮತ್ತು ಹಲ್ಲುಗಳನ್ನು ಬಲವಾಗಿಡುವ ಪ್ರಮುಖ ಖನಿಜ. ದೇಹದಲ್ಲಿ ಸಾಕಷ್ಟು ಕ್ಯಾಲ್ಸಿಯಂ ಇಲ್ಲದಿದ್ದರೆ ಎಲುಬುಗಳು ದುರ್ಬಲವಾಗುತ್ತವೆ. ಇದರ ಪರಿಣಾಮವಾಗಿ ಮಂಡಿ ನೋವು, ಬೆನ್ನು ನೋವು, ಸ್ನಾಯು ನೋವು ಕಾಣಬಹುದು.

ಕ್ಯಾಲ್ಸಿಯಂ ಕೊರತೆಯ ಲಕ್ಷಣಗಳು:

* ಎಲುಬು ನೋವು

* ಕಾಲುಗಳಲ್ಲಿ ಸೆಳೆತ

* ದೇಹದ ದೌರ್ಬಲ್ಯ

* ನಖಗಳು ಸುಲಭವಾಗಿ ಮುರಿಯುವುದು

* ಹಲ್ಲು ದುರ್ಬಲವಾಗುವುದು

* ಕೈ ಕಾಲುಗಳಲ್ಲಿ ಚಳಿ ಅಥವಾ ಕಂಪನ

ವಿಶೇಷವಾಗಿ ಮಹಿಳೆಯರಲ್ಲಿ 30 ವರ್ಷ ನಂತರ ಕ್ಯಾಲ್ಸಿಯಂ ಕೊರತೆ ಹೆಚ್ಚಾಗಿ ಕಾಣಬಹುದು. ಗರ್ಭಧಾರಣೆ, ಹೆರಿಗೆಯ ನಂತರ, ಮತ್ತು menopause ಸಮಯದಲ್ಲಿ ದೇಹಕ್ಕೆ ಹೆಚ್ಚು ಕ್ಯಾಲ್ಸಿಯಂ ಅಗತ್ಯವಾಗುತ್ತದೆ.

ಐರನ್ ಡಿಫಿಷಿಯನ್ಸಿ ಎಂದರೇನು?

ಐರನ್ ದೇಹದಲ್ಲಿ ರಕ್ತವನ್ನು ನಿರ್ಮಿಸಲು ಅತ್ಯಗತ್ಯ. ಐರನ್ ಕೊರತೆಯಿಂದ ಹಿಮೋಗ್ಲೋಬಿನ್ ಕಡಿಮೆಯಾಗುತ್ತದೆ. ಇದನ್ನೇ ಸಾಮಾನ್ಯವಾಗಿ anemia ಎಂದು ಕರೆಯುತ್ತಾರೆ.

ಐರನ್ ಕೊರತೆಯ ಸಾಮಾನ್ಯ ಲಕ್ಷಣಗಳು:

* ಸದಾ ದಣಿವು

* ತಲೆಸುತ್ತು

* ಮುಖ ಬಿಳಿಯಾಗುವುದು

* ಉಸಿರಾಟದ ತೊಂದರೆ

* ಕೂದಲು ಉದುರುವುದು

* ಏಕಾಗ್ರತೆಯ ಕೊರತೆ

* ಹೃದಯ ಬಡಿತ ವೇಗವಾಗುವುದು

ಬಹಳ ಮಹಿಳೆಯರು ತಿಂಗಳ ಚಕ್ರದ ಸಮಯದಲ್ಲಿ ಹೆಚ್ಚು ರಕ್ತಸ್ರಾವದಿಂದ ಐರನ್ ಕೊರತೆಯನ್ನು ಎದುರಿಸುತ್ತಾರೆ. ಸರಿಯಾದ ಆಹಾರ ತೆಗೆದುಕೊಳ್ಳದಿದ್ದರೆ ಈ ಸಮಸ್ಯೆ ಇನ್ನಷ್ಟು ಹೆಚ್ಚಾಗಬಹುದು.

ಈ ಮೂರು ಸಮಸ್ಯೆಗಳ ನಡುವೆ ಇರುವ ಸಂಬಂಧ

ಬಹಳ ಜನರಿಗೆ ಗೊತ್ತಿಲ್ಲ – ಮಂಡಿ ನೋವು, ಕ್ಯಾಲ್ಸಿಯಂ ಕೊರತೆ ಮತ್ತು ಐರನ್ ಡಿಫಿಷಿಯನ್ಸಿ ಪರಸ್ಪರ ಸಂಬಂಧ ಹೊಂದಿವೆ.

ದೇಹಕ್ಕೆ ಸರಿಯಾದ ಪೋಷಕಾಂಶ ಸಿಗದಿದ್ದರೆ:

* ಎಲುಬುಗಳು ದುರ್ಬಲವಾಗುತ್ತವೆ

* ಸ್ನಾಯುಗಳಿಗೆ ಶಕ್ತಿ ಕಡಿಮೆಯಾಗುತ್ತದೆ

* ದೇಹ ಬೇಗ ದಣಿಯುತ್ತದೆ

* ಜಾಯಿಂಟ್‌ಗಳಲ್ಲಿ ನೋವು ಆರಂಭವಾಗುತ್ತದೆ

ಮುಂದಿನ ದಿನಗಳಲ್ಲಿ ನಡೆಯುವುದು ಕಷ್ಟ ವಾಗಬಹುದು ಆದ್ದರಿಂದ ಕೇವಲ pain killer ತೆಗೆದುಕೊಳ್ಳುವುದರಿಂದ ಸಮಸ್ಯೆ ಸಂಪೂರ್ಣವಾಗಿ ಹೋಗುವುದಿಲ್ಲ. ಮೂಲ ಕಾರಣ ತಿಳಿದುಕೊಳ್ಳುವುದು ಮುಖ್ಯ.

ಯಾವ ಆಹಾರಗಳನ್ನು ಸೇವಿಸಬೇಕು?

ಸರಿಯಾದ ಆಹಾರವೇ ಉತ್ತಮ ಔಷಧಿ. ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಆಹಾರದಿಂದಲೇ ಪಡೆಯುವುದು ಉತ್ತಮ.

1. ಕ್ಯಾಲ್ಸಿಯಂ ಇರುವ ಆಹಾರಗಳು (Calcium-Rich Foods) ✅

ನಿಮ್ಮ ಮೂಳೆಗಳು ಮತ್ತು ಹಲ್ಲುಗಳ ಬಲಕ್ಕೆ ಕ್ಯಾಲ್ಸಿಯಂ ಅತ್ಯಗತ್ಯ. 

*ಹಾಲು, ಮೊಸರು, ಪನೀರ್: ಡೈರಿ ಉತ್ಪನ್ನಗಳು ಕ್ಯಾಲ್ಸಿಯಂನ ಪ್ರಾಥಮಿಕ ಮೂಲಗಳು.

* ರಾಗಿ: ಧಾನ್ಯಗಳಲ್ಲೇ ಅತ್ಯಧಿಕ ಕ್ಯಾಲ್ಸಿಯಂ   ಹೊಂದಿರುವ ಅತ್ಯುತ್ತಮ ಆಹಾರ.

* ಬಾದಾಮಿ ಮತ್ತು ಎಳ್ಳು: ಇವುಗಳಲ್ಲಿ ಉತ್ತಮ   ಪ್ರಮಾಣದ ಕ್ಯಾಲ್ಸಿಯಂ ಮತ್ತು ಆರೋಗ್ಯಕರ   ಕೊಬ್ಬುಗಳಿವೆ.

* ಹಸಿರು ಸೊಪ್ಪುಗಳು: ಪಾಲಕ್, ದಂಟು ಮುಂತಾದ   ಸೊಪ್ಪುಗಳು ಸಸ್ಯಹಾರಿಗಳಿಗೆ ಒಳ್ಳೆಯದು. 

2. ಐರನ್ ಇರುವ ಆಹಾರಗಳು (Iron-Rich Foods) ✅

ದೇಹದಲ್ಲಿ ರಕ್ತದ (ಹಿಮೋಗ್ಲೋಬಿನ್) ಪ್ರಮಾಣವನ್ನು ಹೆಚ್ಚಿಸಲು ಮತ್ತು ರಕ್ತಹೀನತೆ (Anemia) ತಡೆಯಲು ಐರನ್ ಬೇಕು. 

* ಪಾಲಕ್ ಸೊಪ್ಪು: ನೈಸರ್ಗಿಕ ಐರನ್ ಅಂಶ     ಸಮೃದ್ಧವಾಗಿದೆ.

* ಬೀಟ್ರೂಟ್: ರಕ್ತದ ಉತ್ಪಾದನೆಗೆ ತುಂಬಾ ಸಹಕಾರಿ.

* ಖರ್ಜೂರ ಮತ್ತು ಒಣದ್ರಾಕ್ಷಿ: ಇವು ರಕ್ತ ಹೀನತೆ   ನಿವಾರಿಸುವ ಅತ್ಯುತ್ತಮ ಒಣಹಣ್ಣುಗಳು.

* ಮೊಟ್ಟೆ: ಇದರಲ್ಲಿ ಸುಲಭವಾಗಿ ದೇಹಕ್ಕೆ ಹೀರಿಕೊಳ್ಳುವ ಐರನ್ (Heme iron) ಇರುತ್ತದೆ.

* ಜೋಳ ಮತ್ತು ಕಡಲೆಕಾಳು: ಉತ್ತಮ ಪ್ರಮಾಣದ ಕಬ್ಬಿಣಾಂಶ ಹಾಗೂ ಪ್ರೊಟೀನ್ ಒದಗಿಸುತ್ತವೆ. 

3. ವಿಟಮಿನ್ D ಪಡೆಯಲು (Vitamin D Sources) ✅

ಕ್ಯಾಲ್ಸಿಯಂ ಅನ್ನು ದೇಹವು ಹೀರಿಕೊಳ್ಳಬೇಕಾದರೆ ವಿಟಮಿನ್ D ಅತ್ಯಗತ್ಯ. 

* ಬೆಳಗಿನ ಸೂರ್ಯನ ಬೆಳಕು: ಇದು ವಿಟಮಿನ್ D ಪಡೆಯಲು ಇರುವ ಅತ್ಯಂತ ಮುಖ್ಯ ಮತ್ತು ಉಚಿತ ನೈಸರ್ಗಿಕ ಮೂಲ.

* ಮೊಟ್ಟೆಯ ಕಹಿ ಭಾಗ (ಹಳದಿ ಲೋಳೆ): ನೈಸರ್ಗಿಕವಾಗಿ ವಿಟಮಿನ್ D ಹೊಂದಿರುವ ಕೆಲವೇ ಆಹಾರಗಳಲ್ಲಿ ಇದೂ ಒಂದು.

* ಮೀನು: ಸಾಲ್ಮನ್, ಬಂಗುಡೆಯಂತಹ ಕೊಬ್ಬಿನ ಮೀನುಗಳು ಉತ್ತಮ ಮೂಲ.

* Fortified Foods (ಬಲವರ್ಧಿತ ಆಹಾರಗಳು): ವಿಟಮಿನ್ D ಅನ್ನು ಹೆಚ್ಚುವರಿಯಾಗಿ ಸೇರಿಸಲಾದ ಹಾಲು, ಧಾನ್ಯಗಳು (Cereals) ಅಥವಾ ಜ್ಯೂಸ್‌ಗಳು.

ಯಾವ ಅಭ್ಯಾಸಗಳನ್ನು ಬದಲಾಯಿಸಬೇಕು?

ಕೆಲವು ಸಣ್ಣ ಅಭ್ಯಾಸಗಳು ಆರೋಗ್ಯವನ್ನು ಉತ್ತಮಗೊಳಿಸಬಹುದು.

ಪ್ರತಿದಿನ:

* ಕನಿಷ್ಠ 20 ನಿಮಿಷ ನಡೆಯಿರಿ

* ಬೆಳಗಿನ ಸೂರ್ಯನ ಬೆಳಕು ಪಡೆಯಿರಿ

* ಹೆಚ್ಚು ನೀರು ಕುಡಿಯಿರಿ

* junk food ಕಡಿಮೆ ಮಾಡಿ

* ರಾತ್ರಿ ಸರಿಯಾಗಿ ನಿದ್ರೆ ಮಾಡಿ

* ಒಂದೇ ಸ್ಥಾನದಲ್ಲಿ ಹೆಚ್ಚು ಸಮಯ   ಕುಳಿತುಕೊಳ್ಳಬೇಡಿ

ಅತಿಯಾದ diet ಮಾಡುವವರು ಕೂಡ ಪೋಷಕಾಂಶ ಕೊರತೆಯನ್ನು ಎದುರಿಸಬಹುದು. ಆದ್ದರಿಂದ balanced diet ಬಹಳ ಮುಖ್ಯ.

ಯಾವಾಗ ವೈದ್ಯರನ್ನು ಸಂಪರ್ಕಿಸಬೇಕು?

ಈ ಲಕ್ಷಣಗಳು ನಿರಂತರವಾಗಿ ಕಂಡುಬಂದರೆ ವೈದ್ಯರನ್ನು ಸಂಪರ್ಕಿಸುವುದು ಅಗತ್ಯ:

* ದಿನೇದಿನೇ ಹೆಚ್ಚಾಗುವ ಮಂಡಿ ನೋವು

* ನಡೆಯಲು ಕಷ್ಟವಾಗುವುದು

* ತುಂಬಾ ದಣಿವು

* ಉಸಿರಾಟದ ತೊಂದರೆ

* ತಲೆಸುತ್ತು ಹೆಚ್ಚಾಗುವುದು

* ಕೈ ಕಾಲುಗಳಲ್ಲಿ ಸೆಳೆತ

ಕೆಲವೊಮ್ಮೆ blood test ಮತ್ತು vitamin test ಮೂಲಕ ಸಮಸ್ಯೆಯನ್ನು ಸುಲಭವಾಗಿ ಪತ್ತೆಹಚ್ಚಬಹುದು.

ಮನೆಯಲ್ಲೇ ಮಾಡಬಹುದಾದ ಕೆಲವು ಸರಳ ಪರಿಹಾರಗಳು 

1. ರಾಗಿ ಮಲ್ಟ್

ರಾಗಿ ಕ್ಯಾಲ್ಸಿಯಂ ಸಮೃದ್ಧ ಆಹಾರ. ಪ್ರತಿದಿನ ಒಂದು ಗ್ಲಾಸ್ ರಾಗಿ ಮಲ್ಟ್ ಸೇವಿಸುವುದು ಎಲುಬುಗಳಿಗೆ ಉತ್ತಮ.

2. ಖರ್ಜೂರ ಮತ್ತು ಹಾಲು

ರಾತ್ರಿ 2-3 ಖರ್ಜೂರ ಹಾಲಿನ ಜೊತೆ ಸೇವಿಸಿದರೆ ಐರನ್ ಮತ್ತು ಶಕ್ತಿ ಹೆಚ್ಚುತ್ತದೆ.

3. ಎಳ್ಳು ಮತ್ತು ಬೆಲ್ಲ

ಎಳ್ಳು ಮತ್ತು ಬೆಲ್ಲದ ಲಡ್ಡು ದೇಹಕ್ಕೆ ಕ್ಯಾಲ್ಸಿಯಂ ಮತ್ತು ಐರನ್ ಎರಡನ್ನೂ ನೀಡುತ್ತದೆ.

4. ಸಣ್ಣ ವ್ಯಾಯಾಮ

ಮಂಡಿ ನೋವಿದ್ದರೂ ವೈದ್ಯರ ಸಲಹೆಯಂತೆ ಸಣ್ಣ stretching ವ್ಯಾಯಾಮ ಮಾಡಬಹುದು.

ಮಹಿಳೆಯರು ವಿಶೇಷವಾಗಿ ಗಮನಿಸಬೇಕಾದದ್ದು

ಮಹಿಳೆಯರು ತಮ್ಮ ಆರೋಗ್ಯವನ್ನು ಬಹಳ ಬಾರಿ ಕಡೆಗಣಿಸುತ್ತಾರೆ. ಕುಟುಂಬದ ಜವಾಬ್ದಾರಿಗಳ ನಡುವೆ ತಮ್ಮ ಆಹಾರ ಮತ್ತು ವಿಶ್ರಾಂತಿಗೆ ಪ್ರಾಮುಖ್ಯತೆ ಕೊಡುವುದಿಲ್ಲ.

ಆದರೆ ದೇಹದ ಸಣ್ಣ ಸೂಚನೆಗಳನ್ನು ನಿರ್ಲಕ್ಷ್ಯ ಮಾಡಬಾರದು ಏಕೆಂದರೆ ನೀವು ನಿಮ್ಮ ಕುಟುಂಬ ನಡೆಸಲು ಆರೋಗ್ಯ ವಾಗಿರಬೇಕಲ್ಲವೇ?😄

ಕೊನೆಯ ಮಾತು

ಮಂಡಿ ನೋವು, ಕ್ಯಾಲ್ಸಿಯಂ ಕೊರತೆ ಮತ್ತು ಐರನ್ ಡಿಫಿಷಿಯನ್ಸಿ ಸಾಮಾನ್ಯ ಸಮಸ್ಯೆಗಳಾದರೂ ಅವನ್ನು ನಿರ್ಲಕ್ಷ್ಯ ಮಾಡಬಾರದು. ಸರಿಯಾದ ಆಹಾರ, ವ್ಯಾಯಾಮ, ಮತ್ತು ಆರೋಗ್ಯಕರ ಜೀವನಶೈಲಿ ಮೂಲಕ ಈ ಸಮಸ್ಯೆಗಳನ್ನು ಬಹಳ ಮಟ್ಟಿಗೆ ನಿಯಂತ್ರಿಸಬಹುದು.

ದೇಹವು ಕೊಡುವ ಪ್ರತಿಯೊಂದು ಸೂಚನೆಯೂ ಮಹತ್ವದ್ದು. ಸಮಯಕ್ಕೆ ಸರಿಯಾಗಿ ಗಮನಕೊಟ್ಟರೆ ಭವಿಷ್ಯದಲ್ಲಿ ದೊಡ್ಡ ಸಮಸ್ಯೆಗಳಿಂದ ದೂರ ಇರಬಹುದು. ಆರೋಗ್ಯವೇ ನಮ್ಮ ಜೀವನದ ನಿಜವಾದ ಸಂಪತ್ತು. ಆದ್ದರಿಂದ ಇನ್ನು ಮುಂದೆ ನಿಮ್ಮ ಆಹಾರ ಮತ್ತು ಆರೋಗ್ಯದ ಕಡೆ ಹೆಚ್ಚು ಗಮನ ನೀಡಿ.

🙏