ಮುಖ ಮತ್ತು ದೇಹಕ್ಕೆ ಮನೆಯಲ್ಲೇ ತಯಾರಿಸಬಹುದಾದ 10 ಅದ್ಭುತ ಸಾಬೂನುಗಳು"

ಮನೆಯಲ್ಲೇ ಸಾಬೂನು ತಯಾರಿಸುವುದು – ನೈಸರ್ಗಿಕ ಸೌಂದರ್ಯಕ್ಕೆ ಸರಳ ಮಾರ್ಗ 

ಹಳೆಯ ಕಾಲದಲ್ಲಿ ಇಂದಿನ ತರಹದ ಸೋಪ್ ಅಥವಾ ಫೇಸ್‌ವಾಶ್‌ಗಳು ಇರಲಿಲ್ಲ. ಆಗಿನ ಕಾಲದ ಜನರು ತಮ್ಮ ಮುಖ ಮತ್ತು ಚರ್ಮದ ರಕ್ಷಣೆಗಾಗಿ ಸಂಪೂರ್ಣವಾಗಿ ನೈಸರ್ಗಿಕ ಹಾಗೂ ಆಯುರ್ವೇದ ವಸ್ತುಗಳನ್ನು ಬಳಸುತ್ತಿದ್ದರು. ಈ ವಸ್ತುಗಳು ಚರ್ಮಕ್ಕೆ ಯಾವುದೇ ಹಾನಿ ಮಾಡದೆ, ನೈಸರ್ಗಿಕ ಹೊಳಪನ್ನು ನೀಡುತ್ತಿದ್ದವು. ಆಗಿನ ಕಾಲದಲ್ಲಿ ಮುಖ ತೊಳೆಯಲು ಬಳಸುತ್ತಿದ್ದ ಪ್ರಮುಖ ವಸ್ತುಗಳ ಪಟ್ಟಿ ಇಲ್ಲಿದೆ 

* ಕಡಲೆ ಹಿಟ್ಟು (Besan): ಇದು ಅತ್ಯಂತ ಜನಪ್ರಿಯ ನೈಸರ್ಗಿಕ ಕ್ಲೆನ್ಸರ್ ಆಗಿತ್ತು. ಇದು ಚರ್ಮದ ಮೇಲಿನ ಹೆಚ್ಚುವರಿ ಎಣ್ಣೆ ಮತ್ತು ಕೊಳೆಯನ್ನು ಪರಿಣಾಮಕಾರಿಯಾಗಿ ತೆಗೆದುಹಾಕುತ್ತಿತ್ತು.ಆಗ ಹುಟ್ಟಿದ ಮಕ್ಕಳಿಗೂ ಕೂಡ ಸ್ನಾನ ಮಾಡಿಸಲು ಇದನ್ನು ಬಳಸುತ್ತಿದ್ದರು.

* ಹೆಸರು ಹಿಟ್ಟು (Moong Dal Powder): ಕಡಲೆ ಹಿತ್ತಿನಷ್ಟೇ ಹೆಸರು ಹಿಟ್ಟನ್ನು ಸಹ ಮುಖಕ್ಕೆ ಹಚ್ಚಿ ತೊಳೆಯಲು ಬಳಸುತ್ತಿದ್ದರು. ಇದು ಚರ್ಮವನ್ನು ಮೃದುವಾಗಿಸಲು ಮತ್ತು ತಂಪಾಗಿಸಲು ಸಹಾಯ ಮಾಡುತ್ತಿತ್ತು. ಮಕ್ಕಳಿಗೂ ‌ಸಹ ಒಳ್ಳೆಯದು.

* ಸೀಗೆಕಾಯಿ ಮತ್ತು ಅಂಟುವಾಳದ ನೀರು: ಸ್ನಾನ ಮಾಡುವಾಗ ದೇಹಕ್ಕೆ ಮತ್ತು ಮುಖಕ್ಕೆ ಇವುಗಳ ನೊರೆ ಬರುವ ನೀರನ್ನು ನೈಸರ್ಗಿಕ ಸೋಪ್ ತರಹ ಬಳಸುತ್ತಿದ್ದರು.ನಮ್ಮ ಅಜ್ಜಿ ಈಗಲೂ ಇದನ್ನೇ ಬಳಸುತ್ತಾರೆ.

ಇತ್ತೀಚಿನ ದಿನಗಳಲ್ಲಿ ನೈಸರ್ಗಿಕ ಉತ್ಪನ್ನಗಳ ಬಳಕೆ ಹೆಚ್ಚಾಗುತ್ತಿದೆ. ವಿಶೇಷವಾಗಿ ಚರ್ಮದ ಆರೈಕೆಯಲ್ಲಿ ಜನರು ರಾಸಾಯನಿಕಗಳ ಬದಲಿಗೆ ಪ್ರಕೃತಿಯ ಆಧಾರಿತ ಉತ್ಪನ್ನಗಳನ್ನು ಆಯ್ಕೆ ಮಾಡುತ್ತಿದ್ದಾರೆ. ಅಂತಹ ಉತ್ಪನ್ನಗಳಲ್ಲಿ ಮನೆಯಲ್ಲೇ ತಯಾರಿಸುವ ಸಾಬೂನು ಪ್ರಮುಖವಾಗಿದೆ. ಮನೆಯಲ್ಲಿ ತಯಾರಿಸಿದ ಸಾಬೂನುಗಳು ಚರ್ಮಕ್ಕೆ ಮೃದುವಾಗಿದ್ದು, ಅಗತ್ಯಕ್ಕೆ ತಕ್ಕಂತೆ ವಿವಿಧ ನೈಸರ್ಗಿಕ ಪದಾರ್ಥಗಳನ್ನು ಸೇರಿಸಿ ತಯಾರಿಸಬಹುದು.

ಮನೆಯಲ್ಲೇ ಸಾಬೂನು ತಯಾರಿಸುವುದು ಏಕೆ ಉತ್ತಮ?

ಮಾರುಕಟ್ಟೆಯಲ್ಲಿ ಸಿಗುವ ಅನೇಕ ಸಾಬೂನುಗಳಲ್ಲಿ ಕೃತಕ ಸುಗಂಧ, ಬಣ್ಣ ಮತ್ತು ಕೆಲವು ರಾಸಾಯನಿಕಗಳು ಇರುತ್ತವೆ. ಇವು ಕೆಲವರ ಚರ್ಮಕ್ಕೆ ಅಲರ್ಜಿ ಅಥವಾ ಒಣಗುವ ಸಮಸ್ಯೆ ಉಂಟುಮಾಡಬಹುದು. ಆದರೆ ಮನೆಯಲ್ಲೇ ತಯಾರಿಸಿದ ಸಾಬೂನಿನಲ್ಲಿ ಯಾವ ಪದಾರ್ಥಗಳನ್ನು ಬಳಸಬೇಕು ಎಂಬುದನ್ನು ನಾವು ನಿರ್ಧರಿಸಬಹುದು.

ಮನೆಯ ಸಾಬೂನಿನ ಪ್ರಮುಖ ಲಾಭಗಳು:

* ನೈಸರ್ಗಿಕ ಪದಾರ್ಥಗಳ ಬಳಕೆ

* ಚರ್ಮಕ್ಕೆ ಮೃದುವಾಗಿರುತ್ತದೆ

* ಕೃತಕ ರಾಸಾಯನಿಕಗಳ ಪ್ರಮಾಣ ಕಡಿಮೆ

* ಮಕ್ಕಳಿಗೂ ಬಳಸಬಹುದಾದ ಆಯ್ಕೆ

* ವೈಯಕ್ತಿಕ ಅಗತ್ಯಕ್ಕೆ ತಕ್ಕಂತೆ ತಯಾರಿಸಬಹುದು

* ಕಡಿಮೆ ವೆಚ್ಚದಲ್ಲಿ ಉತ್ತಮ ಗುಣಮಟ್ಟದ ಸಾಬೂನು

ಸಾಬೂನು ಹೇಗೆ ತಯಾರಿಸುವುದು?

 

ಮೊದಲಿನ ಹಾಗೆ ಅಂಟುವಾಳ ಬೇಕಿಲ್ಲ.ಈಗ ಮಾರುಕಟ್ಟೆಯಲ್ಲಿ  ಗ್ಲಿಸರಿನ್ ಅಥವಾ ಗೊಟ್ ಮಿಲ್ಕ್

 ( ಮೇಕೆ ಹಾಲು ) ಸೋಪ್ ಬೇಸ್ ಸಿಗುತ್ತದೆ.ಇದರಿಂದ ಸುಲಭವಾಗಿ ಸೋಪ್ ತಯಾರಿಸಬಹುದು.

ಸಾಬೂನು ತಯಾರಿಸಲು ಬಳಸಬಹುದಾದ ನೈಸರ್ಗಿಕ ಪದಾರ್ಥಗಳು

1. ಅರಿಶಿನ ಮತ್ತು ಚಂದನ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಗೋಟ್ ಮಿಲ್ಕ್ ಸಾಬೂನು ಬೇಸ್ – 250 ಗ್ರಾಂ

ಅರಿಶಿನ ಪುಡಿ – ½ ಟೀ ಸ್ಪೂನ್

ಚಂದನ ಪುಡಿ – 1 ಟೀ ಸ್ಪೂನ್

ಗುಲಾಬಿ ನೀರು – 1 ಟೀ ಸ್ಪೂನ್

ಲಾಭಗಳು:

* ಚರ್ಮಕ್ಕೆ ಕಾಂತಿ ನೀಡುತ್ತದೆ

* ಚರ್ಮವನ್ನು ತಾಜಾವಾಗಿರಿಸುತ್ತದೆ

* ಸೌಮ್ಯವಾದ ನೈಸರ್ಗಿಕ ಸುಗಂಧ ನೀಡುತ್ತದೆ

2. ಅಲೋವೆರಾ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ತಾಜಾ ಅಲೋವೆರಾ ಜೆಲ್ – 2 ಟೇಬಲ್ ಸ್ಪೂನ್

ವಿಟಮಿನ್ E ಎಣ್ಣೆ – ಕೆಲವು ಹನಿಗಳು

ಲಾಭಗಳು:

* ಒಣ ಚರ್ಮಕ್ಕೆ ಉತ್ತಮ

* ತೇವಾಂಶವನ್ನು ಕಾಪಾಡುತ್ತದೆ

* ಚರ್ಮವನ್ನು ಮೃದುವಾಗಿಸುತ್ತದೆ

3. ಬೇವು ಮತ್ತು ತುಳಸಿ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ಬೇವು ಪುಡಿ – 1 ಟೀ ಸ್ಪೂನ್

ತುಳಸಿ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಚರ್ಮವನ್ನು ಸ್ವಚ್ಛವಾಗಿಡಲು ಸಹಾಯ

* ಹೆಚ್ಚುವರಿ ಎಣ್ಣೆಯುಕ್ತ ಚರ್ಮಕ್ಕೆ ಸೂಕ್ತ

* ತಾಜಾತನ ನೀಡುತ್ತದೆ

4. ಓಟ್ಸ್ ಮತ್ತು ಜೇನುತುಪ್ಪ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ಓಟ್ಸ್ ಪುಡಿ – 1 ಟೇಬಲ್ ಸ್ಪೂನ್

ಜೇನುತುಪ್ಪ – 1 ಟೀ ಸ್ಪೂನ್

ಲಾಭಗಳು:

* ಸೂಕ್ಷ್ಮ ಚರ್ಮಕ್ಕೆ ಉತ್ತಮ

* ಮೃದುವಾದ ಸ್ಕ್ರಬ್ ಆಗಿ ಕೆಲಸ ಮಾಡುತ್ತದೆ

* ಚರ್ಮದ ತೇವಾಂಶ ಕಾಪಾಡುತ್ತದೆ

5. ಕಾಫಿ ಮತ್ತು ಕೋಕೋ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ಕಾಫಿ ಪುಡಿ – 1 ಟೀ ಸ್ಪೂನ್

ಕೋಕೋ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಚರ್ಮವನ್ನು ಸ್ವಚ್ಛಗೊಳಿಸುತ್ತದೆ

* ಸತ್ತ ಚರ್ಮದ ಕೋಶಗಳನ್ನು ತೆಗೆಯಲು ಸಹಾಯ

* ಉತ್ತಮ ಪರಿಮಳ ನೀಡುತ್ತದೆ

6. ಕಿತ್ತಳೆ ಸಿಪ್ಪೆ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ಒಣಗಿಸಿದ ಕಿತ್ತಳೆ ಸಿಪ್ಪೆ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಚರ್ಮಕ್ಕೆ ತಾಜಾತನ ನೀಡುತ್ತದೆ

* ಚರ್ಮದ ಕಾಂತಿಯನ್ನು ಹೆಚ್ಚಿಸಲು ಸಹಾಯ

* ನೈಸರ್ಗಿಕ ಸಿಟ್ರಸ್ ಪರಿಮಳ

7. ಗುಲಾಬಿ ದಳಗಳ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಗೋಟ್ ಮಿಲ್ಕ್ ಸಾಬೂನು ಬೇಸ್ – 250 ಗ್ರಾಂ

ಗುಲಾಬಿ ದಳಗಳ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಚರ್ಮವನ್ನು ಮೃದುವಾಗಿಸುತ್ತದೆ

* ತಾಜಾ ಮತ್ತು ಸುಂದರ ಪರಿಮಳ ನೀಡುತ್ತದೆ

* ದೈನಂದಿನ ಬಳಕೆಗೆ ಸೂಕ್ತ

8. ಮಂಜಿಷ್ಠಾ ಮತ್ತು ಅತಿಮಧುರ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಗೋಟ್ ಮಿಲ್ಕ್ ಸಾಬೂನು ಬೇಸ್ – 250 ಗ್ರಾಂ

ಮಂಜಿಷ್ಠಾ ಪುಡಿ – ½ ಟೀ ಸ್ಪೂನ್

ಅತಿಮಧುರ ಪುಡಿ – ½ ಟೀ ಸ್ಪೂನ್

ಅಕ್ಕಿ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಚರ್ಮದ ಆರೈಕೆಗೆ ಜನಪ್ರಿಯ ಆಯುರ್ವೇದ ಪದಾರ್ಥಗಳು

* ಚರ್ಮವನ್ನು ಮೃದುವಾಗಿಡಲು ಸಹಾಯ

* ನಿಯಮಿತ ಬಳಕೆಗೆ ಸೂಕ್ತ

9. ಮೋರಿಂಗಾ (ನುಗ್ಗೆ) ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ನುಗ್ಗೆ ಎಲೆ ಪುಡಿ – 1 ಟೀ ಸ್ಪೂನ್

ಲಾಭಗಳು:

* ಪೋಷಕಾಂಶಗಳಿಂದ ಸಮೃದ್ಧ

* ಚರ್ಮದ ಆರೈಕೆಗೆ ಸಹಾಯಕ

* ನೈಸರ್ಗಿಕ ಹಸಿರು ಬಣ್ಣ ನೀಡುತ್ತದೆ

10. ಚಾರ್ಕೋಲ್ ಸಾಬೂನು

ಬೇಕಾಗುವ ಸಾಮಗ್ರಿಗಳು:

ಸಾಬೂನು ಬೇಸ್ – 250 ಗ್ರಾಂ

ಆಕ್ಟಿವೇಟೆಡ್ ಚಾರ್ಕೋಲ್ ಪುಡಿ – ½ ಟೀ ಸ್ಪೂನ್

ಲಾಭಗಳು:

* ಚರ್ಮದ ಮೇಲಿನ ಧೂಳು ಮತ್ತು ಕೊಳಕು ನಿವಾರಣೆಗೆ ಸಹಾಯ

* ಎಣ್ಣೆಯುಕ್ತ ಚರ್ಮ ಹೊಂದಿರುವವರಿಗೆ ಜನಪ್ರಿಯ

ಆಯ್ಕೆ

ಮುಖ್ಯ ಸೂಚನೆ

ಯಾವುದೇ ಮನೆಯ ಸಾಬೂನು ತಯಾರಿಸುವಾಗ ಪದಾರ್ಥಗಳ ಪ್ರಮಾಣವನ್ನು ಮಿತವಾಗಿ ಬಳಸಬೇಕು. ನೈಸರ್ಗಿಕ ಪದಾರ್ಥಗಳು ಸಹ ಕೆಲವರಿಗೆ ಅಲರ್ಜಿ ಉಂಟುಮಾಡಬಹುದು. ಆದ್ದರಿಂದ ಮೊದಲಿಗೆ ಚರ್ಮದ ಸಣ್ಣ ಭಾಗದಲ್ಲಿ ಪರೀಕ್ಷಿಸಿ ನಂತರ ನಿಯಮಿತವಾಗಿ ಬಳಸುವುದು ಉತ್ತಮ.

ತಯಾರಿಸುವ ವಿಧಾನ

ಮೊದಲು ಗೋಟ್ ಮಿಲ್ಕ್ ಸಾಬೂನು ಬೇಸ್ ಅನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ. ನಂತರ ಡಬಲ್ ಬಾಯ್ಲರ್ ವಿಧಾನದಲ್ಲಿ ಕರಗಿಸಿ. ಅಂದರೆ ಒಂದು ಪಾತ್ರೆಯಲ್ಲಿ ನೀರು ಬಿಸಿ ಮಾಡಿ, ಅದರ ಮೇಲೆ ಇನ್ನೊಂದು ಪಾತ್ರೆಯಲ್ಲಿ ಸಾಬೂನು ಬೇಸ್ ಇಟ್ಟು ನಿಧಾನವಾಗಿ ಕರಗಿಸಬೇಕು.

ಬೇಸ್ ಸಂಪೂರ್ಣವಾಗಿ ಕರಗಿದ ನಂತರ ನಿಮಗೆ ಬೇಕಾದ ಪುಡಿಗಳನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಸಾಬೂನು ಮೋಲ್ಡ್‌ಗೆ ಸುರಿದು ತಣ್ಣಗಾಗಲು ಬಿಡಿ.

ಸುಮಾರು 4 ರಿಂದ 6 ಗಂಟೆಗಳ ನಂತರ ಸಾಬೂನು ಗಟ್ಟಿಯಾಗುತ್ತದೆ. ನಂತರ ಮೋಲ್ಡ್‌ನಿಂದ ತೆಗೆದು ಬಳಸಬಹುದು.

ಮನೆಯ ಸಾಬೂನು ಬಳಸುವಾಗ ಗಮನಿಸಬೇಕಾದ ವಿಷಯಗಳು

* ಹೆಚ್ಚು ಪುಡಿಗಳನ್ನು ಸೇರಿಸಬಾರದು.

* ಹೊಸ ಪದಾರ್ಥಗಳನ್ನು ಬಳಸುವ ಮೊದಲು ಪ್ಯಾಚ್ ಟೆಸ್ಟ್ ಮಾಡುವುದು ಉತ್ತಮ.

* ತಯಾರಿಸಿದ ಸಾಬೂನನ್ನು ಒಣ ಜಾಗದಲ್ಲಿ ಇಡಿ.

* ಕಣ್ಣುಗಳಿಗೆ ತಾಗದಂತೆ ಎಚ್ಚರಿಕೆ ವಹಿಸಿ.

* ಚರ್ಮದಲ್ಲಿ ಯಾವುದೇ ಅಲರ್ಜಿ ಕಂಡುಬಂದರೆ ಬಳಕೆಯನ್ನು ನಿಲ್ಲಿಸಿ.

ಮಕ್ಕಳಿಗೆ ಬಳಸಬಹುದೇ?

ಸಾಮಾನ್ಯವಾಗಿ ಮೃದುವಾದ ನೈಸರ್ಗಿಕ ಪದಾರ್ಥಗಳಿಂದ ತಯಾರಿಸಿದ ಸಾಬೂನು ಮಕ್ಕಳಿಗೂ ಬಳಸಬಹುದು. ಆದರೆ ಅತಿಯಾದ ಸ್ಕ್ರಬ್ ಮಾಡುವ ಪದಾರ್ಥಗಳನ್ನು ಸೇರಿಸದಿರುವುದು ಉತ್ತಮ. ಮೊದಲಿಗೆ ಚರ್ಮದ ಒಂದು ಸಣ್ಣ ಭಾಗದಲ್ಲಿ ಪರೀಕ್ಷಿಸಿ ನಂತರ ಬಳಸುವುದು ಸುರಕ್ಷಿತ.

ಮನೆಯ ಸಾಬೂನು ತಯಾರಿಕೆಯಿಂದ ಸಿಗುವ ಪ್ರಯೋಜನಗಳು

ಮನೆಯಲ್ಲೇ ಸಾಬೂನು ತಯಾರಿಸುವುದು ಕೇವಲ ಒಂದು ಹವ್ಯಾಸವಲ್ಲ. ಇದು ಸಣ್ಣ ಉದ್ಯಮವಾಗಿಯೂ ಬೆಳೆಯಬಹುದು. ಇಂದಿನ ದಿನಗಳಲ್ಲಿ ಹ್ಯಾಂಡ್‌ಮೇಡ್ ಮತ್ತು ಹರ್ಬಲ್ ಉತ್ಪನ್ನಗಳಿಗೆ ಉತ್ತಮ ಬೇಡಿಕೆ ಇದೆ. ಸರಿಯಾದ ಗುಣಮಟ್ಟ ಕಾಪಾಡಿಕೊಂಡು ಸಾಬೂನು ತಯಾರಿಸಿದರೆ ಆನ್‌ಲೈನ್ ಹಾಗೂ ಸ್ಥಳೀಯ ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡುವ ಅವಕಾಶಗಳಿವೆ.

ಸಾಮಾನ್ಯ ತಪ್ಪುಗಳು

* ಹೆಚ್ಚು ಎಸೆನ್ಷಿಯಲ್ ಆಯಿಲ್ ಸೇರಿಸುವುದು

* ಸಾಬೂನು ಬೇಸ್ ಹೆಚ್ಚು ಬಿಸಿಯಾಗಿಸುವುದು

* ಸರಿಯಾದ ಪ್ರಮಾಣದಲ್ಲಿ ಪದಾರ್ಥಗಳನ್ನು ಬಳಸದಿರುವುದು

* ಸಂಪೂರ್ಣ ಗಟ್ಟಿಯಾಗುವ ಮೊದಲು ಮೋಲ್ಡ್‌ನಿಂದ ತೆಗೆದುಹಾಕುವುದು

ಈ ತಪ್ಪುಗಳನ್ನು ತಪ್ಪಿಸಿದರೆ ಉತ್ತಮ ಗುಣಮಟ್ಟದ ಸಾಬೂನು ತಯಾರಿಸಬಹುದು.

ಸಮಾರೋಪ

ಮನೆಯಲ್ಲೇ ಸಾಬೂನು ತಯಾರಿಸುವುದು ಆರೋಗ್ಯಕರ, ಆರ್ಥಿಕ ಮತ್ತು ಸೃಜನಾತ್ಮಕ ಚಟುವಟಿಕೆಯಾಗಿದೆ. ಗೋಟ್ ಮಿಲ್ಕ್, ಅಕ್ಕಿ, ಅರಿಶಿನ ,ಮಸೂರ್ ಬೇಳೆ, ಗುಲಾಬಿ ದಳಗಳು, ಮಂಜಿಷ್ಠಾ, ಕಡ್ಲೆ ಹಿಟ್ಟು,ಚಂದನ, ಕಾಫಿ ಪುಡಿ ಮತ್ತು ಅತಿಮಧುರದಂತಹ ನೈಸರ್ಗಿಕ ಪದಾರ್ಥಗಳನ್ನು ಬಳಸುವುದರಿಂದ ಚರ್ಮದ ಆರೈಕೆಯನ್ನು ಸರಳವಾಗಿ ಮಾಡಬಹುದು. ಸರಿಯಾದ ವಿಧಾನದಲ್ಲಿ ತಯಾರಿಸಿದ ಮನೆಯ ಸಾಬೂನು ನಿಮ್ಮ ದೈನಂದಿನ ಚರ್ಮದ ಆರೈಕೆಯಲ್ಲಿ ಉತ್ತಮ ಆಯ್ಕೆಯಾಗಬಹುದು. ನೈಸರ್ಗಿಕ ಸೌಂದರ್ಯದತ್ತ ಹೆಜ್ಜೆಯಿಡಲು ಮನೆಯಲ್ಲೇ ತಯಾರಿಸಿದ ಸಾಬೂನು ಒಂದು ಉತ್ತಮ ಆರಂಭವಾಗಿದೆ.

#ಮನೆಯಸಾಬೂನು

#ನೈಸರ್ಗಿಕಸಾಬೂನು

#ಹರ್ಬಲ್ಸಾಬೂನು

#ಚರ್ಮದಆರೈಕೆ

#ಸೌಂದರ್ಯಸಲಹೆಗಳು